tugstsogt-tulaanch
King Tug Н.Төгсцогт

Мэргэжлийн боксын IBO холбооны дэлхийн аварга, Сонирхогчдын боксын Олимп, дэлхийн мөнгөн медальт Нямбаярын Төгсцогтийн дараагийн тулаан 10 дугаар сард болохоор товлогдлоо.

Мэргэжлийн боксын рингэнд ганц ч ялагдаагүй босоо яваа King Tug Төгсцогт маань WBC-ийн чансаанд нэгдүгээрт бичигдэж буй бөгөөд WBC-ийн журам ёсоор дэлхийн аварга Гэри Рассельтай тулалдах болзлоо хангасан билээ.

~Гэри Рэссельтай тохиролцож чадсангүй дээ~

Гэвч Гэри Рассель манай тамирчинтай тулалдахаас татгалзаж, өөр боксчинтой аварга цолоо хамгаалах тулаан хийж ялалт байгуулсан, өнгөрсөн тавдугаар сард.

Үүний дараа WBC холбооноос Гэри Рэссельд хэрэв Төгсцогттой наймдугаар сард багтаж тулалдахгүй бол WBC-ийн аваргын цол, бүсийг хураах анхааруулга өгсөн боловч тэрбээр манай Төгсөөтэй тулаан хийх тохиролцоо хийсэнгүй. Гэри WBC-ийн цолоо аваргын цолоо алдсан ч WBA-ийн аварга Лео Санта Крузтай тулаан хийх сонирхолтой байгаа билээ.

Тэрээр өөрийн цахим хуудаснаа “Дараагийн тулаан аравдугаар сард товлогдлоо. Гэри Рэссельтай тохиролцож чадсангүй дээ” хэмээн бичжээ.

Сэтгэгдэл бичих

Please enter your comment!
Please enter your name here